ବଲାଣି ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ମାତୃକର୍ମଶାଳା କାର୍ଯ୍ୟକ୍ରମ ଅନୁଷ୍ଠିତ, ୫୦ ଅଭିଭାବିକା ଯୋଗ ଦେଲେ

 ଦି ବିବିଏନ ପୋଷ୍ଟ (ଡେସ୍କ) ବଡ଼ବିଲ [ ରିପୋର୍ଟ: ରାଜେନ୍ଦ୍ର ନନ୍ଦ ] - କେନ୍ଦୁଝର ଜିଲ୍ଲା ସୀମାନ୍ତ ଖଣି ଅଞ୍ଚଳ ବଲାଣି ଟାଉନସିପ୍ ସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିର ପରିସରରେ ସୋମବାର ଦିନ ଏକ ମାତୃକର୍ମଶାଳା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି, ଯେଉଁଥିରେ ମୋଟ ୫୦ ଜଣ ଅଭିଭାବିକା ଯୋଗ ଦେଇଥିଲେ। ସର୍ବପ୍ରଥମେ ମୁଖ୍ୟ ଅତିଥି ଭାବେ ଶ୍ରୀମତୀ ମାଳତୀ ଖଟୁଆ ଯୋଗ ଦେଇ ଦୀପ ପ୍ରଜ୍ୱଳନ ପୂର୍ବକ ଅଭିଭାବିକାମାନଙ୍କୁ ଶିଶୁମାନଙ୍କର ଶିକ୍ଷା, ସ୍ୱାସ୍ଥ୍ୟ ତଥା ସଂସ୍କାର ପ୍ରତି ଧ୍ୟାନ ଦେବାକୁ ବକ୍ତବ୍ୟ ପ୍ରକାଶ କରିଥିଲେ, ଏବଂ ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଗଣେଶ୍ୱର ଗିରି ମହୋଦୟ ଶିଶୁ ଶିକ୍ଷାର ସ୍ୱରୂପ ଓ ହିନ୍ଦୁ ଘରର ସଂକଳ୍ପନା ସମ୍ବନ୍ଧରେ ନିଜର ମତ ରଖିଥିଲେ।